糖妹變慳妹　自製環保復活節袋做禮物

歌手糖妹是環保愛好者，有感復活節是友人互交換禮物表達心意的日子，糖妹就巧花心思自創復活節禮物袋贈友，既環保又獨一無二，最緊要是零消費，合乎她的「慳妹」本色。糖妹謂製作這環保禮物袋做法相當簡單，她說：「透明膠袋一個，再喺上面用油性顏料筆，今次我就用咗唔要嘅甲油，畫啲應節嘅圖畫，因為係慶祝復活節，梗係畫復活蛋啦，我覺得最難係畫蛋上啲條紋，大家可以剪啲紙條黐喺個膠袋面做草稿，只要加幾筆畫吓，填吓顏色就大功告成。」

復活蛋變臭蛋

問到她最難忘的復活節？她記得讀小學時，有年勞作堂要交以復活節為主題的功課，結果全班同學都貪方便同簡單，每人都交復活蛋：「不過唔係畫喺紙上嗰啲，係將隻雞蛋烚熟，再喺雞蛋殼上畫啲公仔、圖案，同學打開個袋，就傳出一啲臭蛋味，可能因為隻蛋焗得太耐啦，所以臭臭哋囉。」