39歲生日 謝安琪叫老公送環保袋

問Kay何解會選擇環保袋，她笑說：「因為佢之前送俾我嘅嘢都唔啱我心水，試過送部相機連腳架俾我，但其實我想要相機同自拍棍，方便自拍，所以今年我直接叫佢送乜。」至於如何慶祝生日，Kay透露當日留在家中做家務，「佢有叫我著靚啲去街，但我話想留喺屋企執嘢，因為佢平時喺屋企好似大爺咁，咩都唔做唔執，未試過同我一齊做家務！所以嗰日我哋一齊執嘢，感覺好warm，係件好事！」

當晚擔任司儀的Grace透露，開騷前獲男友鄭嘉穎為她打氣，「佢有鼓勵我，叫我要good show！」問到嘉穎會否到峇里出席吳奇隆與劉詩詩的婚禮，她表示：「佢因為有工作在身，所以冇去。」另外，曾經表明渴望和嘉穎去旅行的她笑言，短期內無法成行，「因為大家都做嘢，未計劃呀！」